Opisyal ng nanungkulan bilang bagong commander ng PNP-Special Action Force si Director Noli Taliño kapalit ni Director Benjamin Lusad na ini-re-assign sa Directorate for Integrated Police Operations sa Camp Crame.
Hindi na bago si Taliño sa SAF dahil taong 1984 pa nagsimula ang kanyang career sa elite unit ng P.N.P.
Naging second-in-command din si Taliño nang maganap ang madugong Mamasapano Encounter sa Maguindanao kung saan apatnapu’t apat na SAF at dose-dosenang sibilyan at Moro Islamic Liberation Front Fighters ang namatay.
Napatay sa naturang operasyon ang Malaysian Terrorist na si Zulkifli Bin Hir alyas Marwan na tinaguriang Osama Bin Laden ng South East Asia.
Sa kanyang speech, inihayag ni Taliño ang kanyang pagmamahal sa SAF at ipinagmamalaki ang pagiging isang trooper partikular ang ipinamalas ng elite commando na kabutihan at tagumpay sa limang buwang sagupaan sa Marawi City kung saan apat ang nalagas sa hanay ng SAF.