Handa ang Philippine Genome Center (PGC) na tumulong sa Department of Health and Research Institute for Tropical Medicine (RITM) sa pag-detect ng novel coronavirus cases sa bansa.
Sa website post ng PGC, gagamitin nila para sa mabilisang pag-verify ng nCoV ang kanilang genome sequencing at “next generation DNA/RNA sequencing” equipment.
Layun ng whole-genome sequencing na madiskubre ang order of nucleotides o ang bases ng genome na mula sa mga nakolektang DNA mula sa isang pasyente.
Sa pamamagitan nito, agad na madedetermina ang mga unknown organisms.
Dagdag ng PGC, sinisiguro nila sa pamahalaan na mayroon silang sapat na kapasidad at expertise upang makipagtulungan sa mga kinauukulan hinggil sa pag-detect ng naturang nakamamatay na sakit.