Handa na ang Department of Health sa “worst case scenario” sa gitna ng panibagong COVID-19 surge, na pinaniniwalaang dulot ng mas nakahahawang Omicron variant lalo sa Metro Manila.
Ayon kay Health Secretary Francisco Duque III, handa silang magdeploy ng karagdagang health care workers mula sa iba’t ibang sektor sakaling dumami muli ang isusugod sa mga ospital.
Kabilang anya sa kanilang ipadadala ay mga bagong graduate at healthcare workers mula sa hanay ng militar at pulisya.
Tiniyak naman ni Duque na nakalatag na ang lahat ng preparasyon sakaling lumala ang sitwasyon, partikular sa Metro Manila.
