Pinayagan na ng National Disaster Risk Reduction and Management Council (NDRRMC) ang mga residente na bumalik sa kanilang mga tahanan na nasa paligid ng bulkang taal.
Ito’y para makapaghango ang mga residente ng isda sa kani-kanilang fish pond.
Maliban dito, pinapayagan rin ang mga residente na makuha ang kanilang mga alagang hayop.
Ayon kay Ndrrmc Region 4 Regional Director Maria Theresa Escolano, magpapatupad sila ng window hour mula 8am hanggang 2pm.
Gayunpaman, patuloy pa rin ang pag-aalburuto ng Bulkang Taal kung kaya’t hindi papayagang magtagal ang mga residente sa paligid ng bulkan.