Suportado ni House Majority Leader Martin Romualdez kung magkakaisa ang mga partido sa pagsuporta kay Davao City Mayor sa pagtakbo bilang pangulo sa susunod na eleksyon.
Ito’y makaraang magpahayag ang 5 political party ng suporta at pakikipag-alyansa sa partido ni Mayor Sara na hugpong ng pagbabago.
Dahil dito, sinabi ni Romualdez na lalong lalakas ang electoral chance kung sinuman ang mapipiling kandidato ng HNP sa pwesto ng presidente at bise presidente.
Una nang naglabas ng resolusyon ang Lakas-CMD para pagtibayin ang alyansa ng 2 partido.
Kabilang din sa nagpahayag ng suporta ang National Unity Party, Peoples Reform Party, Nacionalista Party at Pwersa ng Masang Pilipino Party.
Naniniwala si Romualdez na ang pakikipag-alyansa ng iba’t ibang political parties para sa iisang misyon ay makakatulong upang mahalal ang national leaders na magsusulong ng mga reporma para sa kinabukasan ng susunod na henerasyon.