Inihayag ng Palasyo na mananatili ang pagpapatupad ng umiiral na restriksyon para masugpo ang banta ng Lambda variant.
Ayon kay Presidential Spokesperson Harry Roque, sa ngayon ay kinakailangan lamang talaga na paigtingin pa ang ginagawang pag-iingat at pagsunod sa umiiral na health protocols kontra COVID-19 lalo’t delikado ang nagsusulputang mga variants ng COVID-19.
Bukod pa rito, magpapatuloy din ani Roque ang ipinatutupad na prevention, detection, isolation at treatment ng pamahalaan dahil walang alternatibong panlaban sa bagsik ng virus. —ulat mula kay Jopel Pelenio (Patrol 17)
