Naniniwala ang Philippine National Police (PNP) na matibay ang kaso laban kay Daraga, Albay Mayor Carlwyn Baldo kaugnay sa pagpatay kay Ako-Bicol Partylist Rep. Rodel Batocabe at bodyguard nitong si SPO1 Orlando Diaz.
Ito, ayon kay PNP Spokesman, Chief Supt. Benigno Durana Jr., ay makaraang sumuko at magbigay ng kani-kanilang testimonya ang anim na suspek na pumatay umano kina Batocabe noong December 22.
Magkakapareho anya ang testimonya ng anim kung saan tanging si Baldo ang kanilang itinuturong mastermind sa krimen.
Samantala, hiniling na ng PNP sa Department of Justice (DOJ) na mag-issue na ng lookout bulletin order laban sa alkalde.
—-
