Umapela si Koronadal City Mayor Peter Miguel sa publiko na manatiling kalmado at laging maging alerto sa anumang kahina-hinalang kilos at mga gamit na iniiwan lamang kung saan-saan.
Ito’y makaraang ituro ng Central Mindanao PNP ang Bangsamoro Islamic Freedom Fighters o BIFF na siyang nasa likod ng pagpapasabog sa isang barangay sa nasabing lungsod.
Ayon sa pulisya, sumabog ang isang improvised explosive device o IED sa harap ng isang convenience store may tatlong kanto ang layo mula sa St. Anthony Cathedral kung saan, dalawa ang naitalang sugatan.
May isa pang IED na itinanim ang grupo malapit sa pinangyarihan ng unang pagsabog subalit agad naman itong na-detonate ng mga awtoridad.
