Sumuko sa 45th Infantry Battalion ng Philippine Army, ang dalawang miyembro ng Abu Sayyaf sa Brgy Tugas, Patikul Sulu.
Kinilala ang mga sumuko na sina alias Adzmil at alias Raj na dating followers ni ASG Leader Radullan Sahiron.
Ayon kina 45th IB Acting Commanding Officer LT. COL. Vicente Mabborang Jr. At JTF Sulu Commander, MGEN. William Gonzales, na-pressure ang mga ASG Members matapos ang kanilang sunod-sunod na operasyon sa lugar kung saan, dalawang miyembro ng asg ang nasawi.
Kasabay ng pagsuko ng dalawa ay ang pag-surrender ng kanilang mga armas na kinabibilangan ng isang M79 at M16 rifle.
Patuloy namang hinihikayat ng militar ang iba pang rebelde na sumuko na sa pamahalaan para sa tahimik at mapayapang bansa. —sa panulat ni Angelica Doctolero