Makukulong ng mahigit 40 taon ang dating Commerce Minister ng Thailand.
Ito ang naging hatol ng Bangkok Court matapos mapatunayang guilty si Boonsong Teriyapirom sa pamemeke sa government to government rice deals sa pagitan ng Thailand at China.
Binigyang diin ng korte na malaki ang nalugi sa gobyerno dahil sa naging hakbang ni Boonsong.
Ang hatol ay ibinaba ilang oras matapos mabigong magpakita sa Korte Suprema si dating Thai Prime Minister Yingluck Shinawatra para sa desisyon sa kinakaharap na negligence case kaugnay sa parehong rice scheme na initiative ng gobyerno nito nuong 2011.
By: Judith Larino
SMW: RPE
