Mga US Human Rights Group hinimok na magtungo sa Pilipinas

Hinimok  ng  Malakanyang  ang  mga Human Rights Group sa  Amerika  na  magtungo sa Pilipinas  para  personal  na   makita  at patunayan kung  may batayan ang  akusasyon na  mayroong human rights calamity sa  bansa.

Sa  harap na  rin ito ng   imbestigasyon  ng  U.S. Congress sa  umano’y  mga  paglabag sa  karapatang  pantao  sa  bansa  kaugnay sa kampanya  kontra  iligal na  droga.

Ayon kay Presidential Communications Secretary Martin Andanar,  welcome  ang   grupo na  bumisita  sa  bansa  para  sila na  mismo ang  magpatunay na  walang  batayan ang  kanilang  mga  bintang sa  gobyerno.

Pero iginiit  naman ni  Presidential Spokesman Ernesto Abella na  walang  ibang makapagsasabi sa  tunay na  sitwasyon sa  Pilipinas kundi ang  mismong  mga  Pilipino.

Hindi aniya  ang mga dayuhan ang dapat na  magbigay  ng  opinyon kung  ano ang  nangyayari sa  bansa  dahil wala  naman sila sa  Pilipinas.

By: Drew Nacino  / Aileen Taliping

Comments

comments