Pinsala sa runway ng Ormoc airport sinusuri na ng CAAP

Nagpadala na ng mga structural engineers ang CAAP o Civil Aviation Authority of the Philippines sa Ormoc airport para magsagawa ng assessment kung gaano kalaki ang tinamo nitong pinsala.

Ito’y ayon kay CAAP Spokesperson Eric Apolonio dahil sa nakitang bitak sa dulo ng runway matapos ang tumamang 6.5 magnitude na lindol sa Jaro, Leyte.

Gayunman, pagtitiyak ni Apolonio na ang tatlong iba pang commercially operated airport sa Calbayog, Catarman at Tacloban ay nananatiling normal ang operasyon.

Kasunod nito pinayuhan ni Apolonio ang mga pasaherong apektado ng pansamantalang pagsasara sa Ormoc aiport na makipag-ugnayan sa mga airlines para sa pagsasaayos ng kanilang flight details.

“Titignan kung maliit lang ang damage o kung kailangan ng repair, pero yung ibang airports, gaya ng Calbayog, Catarman at Tacloban ay normally operating naman po walang damage na nai-report last night.” Pahayag ni Apolonio

By  Krista de Dios | Ratsada Balita (Interview)    

Comments

comments