Fully vaccinated na kontra COVID-19 si dating Defense Secretary Gibo Teodoro.
Ito’y nakaraang magtungo si Teodoro sa lungsod ng Davao para matanggap nito ang ikalawang dose sa Mintal comprehensive high school.
Bago nito ay humarap sa media si Teodoro kasama si presidential daughter at Davao City Mayor Sara Duterte-Carpio kung saan natanong ang dalawa sa posibilidad na paglahok sa susunod na eleksyon.
Nang matanong si Teodoro kung suportado nito si Mayor Sara na tumakbo sa pagkapangulo, sinabi nitong tiwala siya sa angking galing ng Alkalde.
Habang panahon na aniya ang makapagsasabi kung siya ay dapat na tumakbo sa halalan at iginiit din ni Teodoro na tila maaga pa para magdesisyon.
Matapos nito ay pinasyal pa ng Alkalde ang kampo ng dating opisyal sa plant store at nitong hapon lang din ay tumulak na pa-Maynila ang kampo ni Teodoro.