Home FEATURES EVENTS
Category

EVENTS

TUNYING
EVENTS

Bagong brand ambassador ng PA Prop. ipinakilala na

written by DWIZ 882

Itinanghal na bagong brand ambassador ng PA Properties ang premyadong mamamahayag na si Anthony Taberna.

Ito’y sa isinagawang Official Media Launch ng PA Properties na isinagawa sa Villa Leonila 2 sa bayan ng Biñan, lalawigan ng Laguna.

Sa isinagawang programa, binigyang diin ni G. Romarico “Bing” Alvarez, Chairman of the Board ng PA Properties, layon nitong palakasin pa ang kanilang adhikain na himukin ang mga Pilipino na magkaroon ng abot kaya at sariling tahanan kahit ngayong panahon ng pandemiya sa COVID-19.

Bagama’t batid nila ang matinding pagsubok na hatid ng COVID-19 pandemic, hindi lamang sa kanilang negosyo kundi maging sa buhay ng mga Pilipino, nananatiling matatag pa rin ang PA Properties at unti-unti itong nakabangon.

Sa ngayon, nakapagpatayo na ang PA properties ng 40 komunidad at 20,000 kabahayan sa iba’t ibang lugar sa Metro Manila, Laguna, Batangas, Cavite, Bulacan at Pampanga at target pa nilang makapagpatayo ng 12 milyong units pagsapit ng taong 2030.

Kaya naman, kumpiyansa si Ginoong Alvarez na sa impluwensya at karisma ni Taberna sa masa, tiyak na mapapalawak pa ang kanilang maaabot sa kanilang mga proyekto.

March 20, 2021 0 comment
0 Facebook Twitter Google + Pinterest
78725515_2721015044652449_1215559462270533632_n
EVENTSNATIONAL NEWS

Pagsunod ng SJDM City sa #DisiplinaMuna program, ikinatuwa ng DILG

written by Jaymark Dagala

Pinapurihan ng DILG ang ginagawang hakbang ng Lokal na Pamahalaan ng San Jose Del Monte City sa Bulacan para matamo ang isang mapayapa at disiplinadong Komunidad.

Ito’y ayon kay DILG Spokesman Usec. Jonatahan Malaya ay kasunod ng pagsunod nila SJDM City Mayor Arthur at asawa nitong si Rep. Florida “Rida” Robes sa #DisiplinaMuna Campaign ng kagawaran.

Ayon kay Malaya, magandang halimbawa aniya ang matagumpay na pagpapatupad ng lungsod sa mga programa ng DILG partikular na ang Road Clearing at Disaster Preparedness.

Gayundin aniya ang mabilis na pagkilos ng SJDM City sa pagpoproseso ng negosyo na tumutulong para mapataas ang kita ng lungsod sa aspeto ng pagbubuwis.

Sa kanilang panig, tiniyak nila Mayor at Rep. Robes na makaaasa ang DILG na magiging tapat silang kaagapay ng mga mamamayan lalo pa at regular ang ginagawa nilang “Ugnayan sa Barangay” Town Hall Meeting.

We share DILG Secretary Eduardo Año’s vision of LGUs as the government’s bridge to the people. Our duty as Filipinos — to uphold the law and to contribute to the country — begin with our interaction with local government units,”  saad ni Mayor Robes. “This is why it’s really necessary for us to touch base with each and every barangay so that we can personally inform our constituents about how we are cooperating with the national government.”

Ang huling Town Hall meeting para sa taong ito ay may temang “Ikaw at Ako sa Paskong Darating”

Tampok dito ang pagtalakay hinggil sa “#Disiplina Muna National Advocacy Campaign” na inilunsad sa pamamagitan ng Memorandum Circular No. 2019-181 noong nakaraang October 24.

Partikular na nakatuon ang kampanya sa pagpapanatili ng kapayapaan at kaayusan sa mga komunidad.

December 9, 2019 0 comment
0 Facebook Twitter Google + Pinterest
pilmirror award
EVENTSFEATURES

Pilipino Mirror, back-to-back winner ng Gawad Tanglaw

written by DWIZ 882

Sa ikalawang sunod na taon ay itinanghal na Best Filipino Newspaper ang Pilipino Mirror sa ginanap na 17th Gawad TANGLAW noong ika-8 ng Mayo 2019 sa Museo ng Muntinlupa. Pinangunahan nina Pilipino Mirror Editor in Chief Rey Briones (pangalawa mula sa kaliwa) at General Manager Jocelyn Siddayao (pangalawa mula sa kanan) ang pagtanggap mula kay Dr. Ellen E. Presnedi (gitna), Pangulo ng Pamantasan ng Lungsod ng Muntinlupa, ng parangal na iginawad din sa Pilipino Mirror noong nakaraang taon. Kasama sa larawan sina Pilipino Mirror Advertising and Sales Manager Cris Galit at Nora Bonogan. Kuha ni RUDY ESPERAS

May 15, 2019 0 comment
0 Facebook Twitter Google + Pinterest
HATOL NI JUAN
EVENTSFEATURESHEADLINES

‘Hatol ni Juan 2019′ inilunsad ng Aliw Media Group

written by DWIZ 882

Photo Courtesy: Business Mirror

Nagsanib-puwersa na ang Aliw Media Group sa pakikipagtulungan ng Commission on Elections (Comelec).

Ito ay para sa malawak na media coverage ng midterm elections sa darating na Mayo, na “Hatol ni Juan” 2019.

Pinangunahan ng Aliw Media Group President at CEO D. Edgard A.Cabangon ang paglagda sa memorandum of agreement kasama si Comelec Spokesman James Jimenez.

Sumaksi rin sa nasabing MOA signing sina dating Press Usec. Robert Rivera, Project Manager ng Hatol ni Juan, Aliw Broadcasting EVP Ely Aligora, at mga punong patnugot ng Pilipino Mirror, Business Mirror at mga himpilan ng RPN o Radio Philippines Network.

Magkakaroon din ng pakikibahagi ang taong bayan sa bawat tanong na ilalabas kaugnay ng eleksyon na ilalathala at isasahimpapawid ng Aliw Media Group.

By Edwin Eusebio

 

 

 

 

April 10, 2019 0 comment
0 Facebook Twitter Google + Pinterest
CARDINAL TAGLE 2 1
EVENTSFEATURES

CMMA fund raising concert gaganapin

written by DWIZ 882

Isang fund raising dinner concert ang magsisilbing kick off para sa yearlong celebration ng ika-apatnapung anibersaryo ng Catholic Mass Media Awards (CMMA).

Ang dinner concert ay may titulong Dinner with the Cardinal: Sharing a Moment of Grace at gaganapin mamayang alas-6:00 ng gabi sa Citystate Tower Hotel sa Mabini Street, Ermita Manila.

Pangungunahan mismo ni CMMA Honorary Chairman Luis Antonio Cardinal Tagle at CMMA Board of Trustees Chairman D. Edgard Cabangon ang pagsalubong sa mga bisita.

Mapapanood sa concert ang premiere soprano ng Pilipinas na si Rachelle Gerodias at kanyang asawang Koreano na si baritone Byeong-In Park.

Nakatakda ring mag-perform sa fund raising event ang One Voice Choir ng Sto. Niño de Paz Greenbelt Chapel sa Makati City at Light Side Movement Choir ng San Felipe Neri Parish sa Mandaluyong City.

—-

 

 

 

 

February 4, 2019 0 comment
0 Facebook Twitter Google + Pinterest
Antipolo City Jail Inmates
EVENTSFEATURESMETRO PATROLPUBLIC SERVICE

Pamaskong Handog ng DWIZ sa inmates ng Antipolo City Jail

written by DWIZ 882
(Sa panulat ni Abigail Tan, DWIZ Correspondent)

Napaluha sa galak ang mga inmates  o PDL (Persons Deprived of Liberty) ng Antipolo City Jail nang binasa ng kanilang mga anak na naluluha din ang ginawang liham ng mga ito (anak) na naglalaman ng pasasalamat, pag-aalala at pagmamahal para sa kanilang mga nakakulong.

Ang okasyong ito ay pamaskong handog ng DWIZ 882 sa pamumuno ng kanilang News Director at Head ng Public Service na si Jun R. Del Rosario, kasama ang mga staff ng Public Service, Sales,  Marketing, HR, Traffic, Finance, 97.9 Home Radio at ng Antipolo City Jail na pinamumunuan naman ni J/Supt. Mirasol Vitor.

Nagkaroon ng mga palaro para sa mga PDL ka-partner ang kani-kanilang mga anak, may awitan, at may sayawan din na pinangunahan naman ng mga sundalo mula sa 11th CMO Battalion ng Philippine Army.

Bahagi ng programa ang masayang pagtanggap ng mga anak ng PDL ng mga regalo at laruan mula sa donasyon ng PAGCOR, at ang ikalawang bahagi ay ang madamdaming pagtanggap ng mga PDL ng liham mula sa kanilang mga anak o pamangkin kasama ang regalong toiletries na donasyon naman ng SOGO Hotel at Taguig Lions Club International.

Walang pagsidlan ang kaligayahan ng mga PDL nang mayakap at makasalo nila ang mga anak at mga asawa sa pagkain, mga tinapay at juice na pahatid nina Ms. Mocha Uson,  ng  Gardenia, Tinapayan Festival, Pingping Lechon at ng Tang.

Layon ng nasabing proyekto na maipadama sa mga inmates na habang naghihintay sila ng desisyon sa kani-kanilang mga kaso sa loob ng rehas ay may mga tao pa rin na nagmamahal at nagpapahalaga sa kanila.

Ayon sa mga PDL, ang ilang oras na pagsasama-sama nila bilang pamilya ay siyang pinakamahalagang regalo na natanggap nila ngayong darating na kapaskuhan.

Image may contain: 4 people, basketball court

Image may contain: 4 people, people smiling, people sitting

Image may contain: 7 people, people sitting

Image may contain: 3 people, people standing

Image may contain: 3 people, people standing and shoes

December 19, 2018 0 comment
0 Facebook Twitter Google + Pinterest
briones
EVENTS

DepEd Sec. Briones binigyang parangal sa ‘Amb. Antonio L. Cabangon Chua Gintong Parangal para sa Edukasyon’

written by Jennelyn Valencia- Burgos

Isa si Department of Education (DepEd) Secretary Leonor Briones sa ilang mga personalidad na binigyang pagkilala ng Fortune Life sa Ambassador Antonio L. Cabangon Chua Gintong Parangal para sa Edukasyon.

Kasabay din nito ang ika-pitong parangal para sa guro at ikalawang taon naman ng parangal para sa pamumuno na ginawa sa bulwagan ng karunungan sa punong tanggapan ng DepEd sa Pasig City.

Maliban kay Secretary Briones, binigyan din ng parangal si Ginoong D. Arnold Cabangon, pangulo ng Fortune Life Insurance Corporation, DepEd Usec. Lorna Dino at Ms. Erlinda Legaspi.

Gayundin ang mga guro na nagpakita ng katangi tanging pagganap sa kanilang tungkulin at naging huwaran sa kanilang mga mag aaral.

Dumalo sa nasabing pagtitipon ng mga opisyal at kawani ng DepEd, Fortune Life gayundin ang ALC group of companies at Aliw Broadcasting Corporation Chairman D. Edgard Cabangon.

(Ulat ni Jaymark Dagala)

September 13, 2018 0 comment
0 Facebook Twitter Google + Pinterest
DWIZ 882 BALIK ESKWELA 2018
EVENTSMETRO PATROLPUBLIC SERVICE

“Balik Eskwela” program ng DWIZ 882 ginanap sa Payatas, Quezon City

written by DWIZ 882

Pinasaya ng DWIZ 882, sa pakikipagtulungan ng 97.9 Home Radio ang higit 400 mga estudyante mula sa Payatas C Elementary School sa Quezon City nitong Biyernes, Hunyo 8, 2018.

Bukod sa pamimigay ng mga regalo at school supplies, isang storytelling din ang isinagawa para sa mga bata na pinangunahan ni Dr. Luis Gatmaitan, Palanca Hall of Fame awardee at children’s book author. Ikinuwento ni Dr. Gatmaitan ang obra nitong “Sandosenang Sapatos” na nagkamit ng unang gantimpala sa Timpalak Palanca noong 2001.

Iba’t ibang palaro rin ang inihanda na kinagiliwan ng mga estudyante tulad ng Bring Me, Stop Dance at Longest Word. Lahat ng mga nanalo ay nabigyan ng mga papremyo.

Sorpersa ring bumisita si Eldar The Wizard at Princess Victoria ng Enchanted Kingdom kung saan ay naghandog pa ang mga ito ng sayaw para sa mga bata.

Ang naturang programa ay parte ng misyon ng DWIZ 882 na maghatid serbisyo publiko para sa mga pinaka-nangangailangang kababayan bilang pasasalamat sa patuloy na pagkamit ng tagumpay ng istasyon na sumasahimpapawid na sa loob ng 27 taon.

Hindi magiging matagumpay ang Balik Eskwela kung hindi dahil sa pakikipagtulungan ng mga sponsors at media partners:

-Enchanted Kingdom
-Hiyas (Children’s books)
-The Pastry Cream Bakehouse
-Lemon Square Cheesecake
-The Joy of Giving by Ms. Cristine Pascua-Halili
-Mega Sardines
-CPHA Food Services
-Trinity Marketing Inc.
-Happy Haus Donuts
-CNN Philippines
-Pilipino Mirror
-OMF Literature Inc.

Lubos din ang pasasalamat ng DWIZ 882 sa buong pamunuan ng Payatas C Elementary School, sa mga class advisers, personnel at sa principal ng paaralan na si Mr. Eliseo Manaay Jr.

June 10, 2018 0 comment
0 Facebook Twitter Google + Pinterest
love rocks stephen bishop richard merk
EVENTS

‘Love Rocks’ concert ni Stephen Bishop kasama si Richard Merk gaganapin sa Mayo 22

written by DWIZ 882

Magbibigay kasiyahan sa kanyang “Love Rocks”, concert ang American songwriter na si Stephen Bishop bukas, Mayo 22, alas otso ng gabi sa New Performing Arts Theater sa Resorts World Manila.

Kilala Ang Oscar and Grammy nominee na si Stephen Bishop sa kanyang mga pinasikat na kanta gaya ng “It Might Be You”, “Separate Lives”, “Something New In My Life”, “On and On” and “Save It For A Rainy Day”

Kasamang magpe-perform ni Stephen Bishop ang isa ring Grammy nominee na si Bobby Wilson na nakilala sa mga kantang “Your Love Has Lifted Me Higher”, “Get the Sweetest Feeling”, “Lonely Teardrops” at si J Michaels na nag record ng kantang “Wildflower”, “Smoke from a Distant Fire at “I Just Can’t Help Believing.

Kasama ding magpapasaya sa concert ang singer/actor/composer at radio anchor at prince of jazz na si Richard Merk.

Si Richard Merk ay mapapakinggan dito sa DWIZ sa kanyang musical program na “Words & Music” tuwing Sabado mula alas tres hanggang alas kwatro y medya ng hapon.

Para sa mga nais manood ng concert at mag-relax tumawag lamang 967-96-22 o sa mobile number na   0917-318-0183 o sa 0917-719-1634.



 

May 21, 2018 0 comment
0 Facebook Twitter Google + Pinterest
Newer Posts
Older Posts