Sinurpresa ni Pangulong Ferdinand ‘Bongbong’ Marcos Jr. ang mga Overseas Filipino Worker sa isang mall sa Singapore.
Sinabi ng Presidential Communications Office, na nagtungo si PBBM sa Lucky Plaza Mall sa kahabaan ng Orchard Road kung saan maraming Pilipino ang tumatambay o namamasyal sa lugar tuwing day off sa trabaho.
Kinamusta anya ni Pangulong Marcos Jr. ang kalagayan ng mga ofw sa naturang bansa.
Hindi naman maitago ng mga OFW ang kanilang kasiyahan nang makita ng personal si Pangulong Marcos Jr. at sinadya sila para lamang makita.
Iginiit naman ng mga OFW na patuloy silang sinusurpotahan ni Pangulong Marcos Jr., kung saan hangad nila na magtuloy-tuloy ang pagbabago sa Pilipinas.
