Irerekomenda ng senate panel na makasuhan ng perjury si self-confessed Davao Death Squad (DDS) leader Retired SPO3 Arthur Lascañas kapag nag-resume na ang sesyon ng kongreso sa susunod na buwan.
Ito ang inihayag ni Senador Panfilo Lacson, chairman ng senate committee on public order and dangerous drugs, na siyang nagsagawa ng pagdinig sa naging public confession ni Lascañas na mayroon ngang Davao death squad.
Sinabi ni Lacson na binabalangkas na nila ang kanilang committee report sa naging pagharap ni lascañas sa senate hearing kung saan bumaligtad ito sa nauna niyang testimonya ukol sa DDS.
Ipiprisinta aniya nila ang naturang committee report sa plenaryo sa pagbubukas ng session sa Mayo a-dos.
By Meann Tanbio / (With report from Cely Ortega-Bueno)
