Ibinasura ng Court of Appeals (CA) ang apela ni US Lance Corporal Joseph Scott Pemberton para mabaligtad ang homicide conviction niya sa pagkamatay ni transgender Jeffrey ‘Jennifer’ Laude noong October 2014.
Ayon sa CA 16th division, kulang sa merito ang motion for reconsideration ni Pemberton.
Pinagbabayad din ng CA si Pemberton ng ₱ 4.32 million sa mga naulila ni Laude para sa nawalang kita nito bukod pa sa ₱ 30,000 bilang exemplary damage at halos ₱ 156,000 na actual damage.
Sinabi ng CA na dapat pang bayaran ni Pemberton ang 6% interest kada taon sa lahat ng civil liability mula sa final na desisyon hanggang ito ay maging fully paid.
By Judith Estrada-Larino
