Niyanig ng magkasunod na lindol ang lalawigan ng Surigao del Norte, kagabi.
Alas-10:33 nang unang tumama ang magnitude 5.1 sa bayan ng General Luna.
Natunton ang sentro nito tatlumpu’t siyam (39) na kilometro hilagang-silangan ng naturang bayan.
Makalipas ang anim na minuto ay niyanig naman ang General Luna ng magnitude 4.2 na natunton ang sentro limampu’t isang (51) kilometro hilagang-silangan ng nabanggit na lugar.
Naitala ang intensity 4 sa General Luna, intensity 2 sa Surigao City, intensity 1 sa Borongan City, palo, Leyte, Gingoog City at Cebu City dulot ng unang pagyanig.
Wala namang nasugatan o napinsala sa lindol habang wala ring inaasahang aftershocks.
—-
