Nahaharap sa 16 hanggang 40 taong pagkakabilanggo si dating Sorsogon Governor Raul Lee at mga dating opisyal ng lalawigan.
Ito’y makaraang hatulang guilty ng Sandiganbayan 1st Division si Lee dahil sa apat na patong ng kasong graft kaugnay sa multi-bilyong pisong fertilizer fund scam noong 2004.
Nag-ugat ang kaso ni Lee nang aprubahan nito ang pagbili sa mahigit 2,000 litro ng bio-nature fluid fertilizer sa kompaniyang Fenshan Philippines na nagkakahalaga ng P1,500.00 ang kada litro gayung nasa P180.00 lamang ang orihinal na presyo nito kada litro.
Maliban sa dating gobernador, sabit din sa nasabing kaso ang dating provincial accountant na si Raul Hernandez at dating provincial treasurer na si Ofelia Velasco.
