Inabisuhan na ng Metropolitan Manila Development Authority o MMDA ang mga motorista na dumaan sa mga alternatibong ruta bukas lalo’t isasara ang ilang kalsada sa Maynila para sa 2015 Metro Manila Film Festival (MMFF) Parade.
Isasara ang southbound lane ng Bonifacio Drive at Roxas Boulevard mula anda Circle hanggang P. Ocampo simula alas-12:00 ng hapon hanggang alas-8:00 ng gabi.
Dapat dumaan ang mga motorista sa third exit ng Anda Circle patungong Soriano Avenue hanggang Intramuros o umikot at lumabas na lamang sa Bonifacio Drive northbound.
Ang mga sasakyang daraan naman sa westbound lane ng P. Burgos ay kailangang kumanan sa Bonifacio Drive o mag-u-turn ssa eastbound lane ng nasabing kalsada.
Libu-libo ang inaasahang manonood ng parada upang masaksihan ang mga artista at pelikulang kalahok sa 2015 MMFF.
By Drew Nacino
