Muling isasailalim sa yellow alert status ang Visayas Grid ngayong araw, Mayo 27.
Ayon sa National Grid Corporation of the Philippines (NGCP), magsisimula ang yellow alert mamayang ala-sais hanggang ala-syete ng gabi.
Ito’y dahil sa manipis na capacity na 2,682 megawatts kumpara sa peak demand na 2,415 megawatts.
Sa kasalukuyan, 12 planta ang naka-forced outage simula noong unang linggo ng Mayo at isang planta mula Marso.
Kabilang sa mga sanhi ng yellow alert ang “unavailability” ng tatlong malalaking coal plants sa Visayas at mataas na system demand.—sa panulat ni Mark Terrence Molave
