Pagtutuunang pansin ng pamahalaan ang pagbuo ng sistema para sa walk-ins sa ikalawang phase ng national vaccination days.
Ayon kay Acting Presidential Spokesperson at Cabinet Secretary Karlo Nograles, isa kasi ito sa naging hamon sa unang ”Bayanihan, Bakunahan”.
Aniya, dapat na payagan ang mga indibidwal na magwo-walk in sa December 15 hanggang 17.
Target ng pamahalaan na mabakunahan ang pitong milyong katao sa ikalawang round ng National Vaccination Days.
