Tahasang itinuro ni House Speaker Pantaleon Alvarez si Vice President Leni Robredo na siyang nasa likod ng inihaing impeachment complaint laban kay Pangulong Rodrigo Duterte.
Sa isang panayam kay Alvarez, sinabi nito na nagmamadali umano si Robredo na palitan ang Pangulo sa puwesto kaya’t lalo aniyang lumilinaw ang tangkang papapabagsak sa administrasyon.
Una nang sinabi ni Vice President Robredo na hindi magtatagumpay ang anumang tangkang impeachment laban sa Pangulo sa paniniwalang lalong gugulo ang sitwasyon ng bansa.
Samantala, tinawanan lamang ni Speaker Alvarez ang inihaing impeachment complaint ni Magdalo Rep. Gari Alejano sa pagsasabing lahat naman aniya ng tao ay may karapatang magpaka-mangmang.
By: Jaymark Dagala
