Muling pinabubuksan ni Pangulong Rodrigo Duterte ang imbestigasyon sa nakalulunos na pagkasawi ng 44 na miyembro ng PNP Special Action Force o SAF sa Mamasapano, Maguindanao.
Sa harap ng mga negosyante sa Beijing, sinabi ng Pangulong Duterte na may nakita siyang malabong bahagi sa mga impormasyon hinggil sa pagkasawi ng SAF 44 kaya’t nais niya itong balikan.
Nais ding malaman ng Pangulo kung sino ang nakakuha ng Limang Milyong Dolyar na reward money kapalit ang pagkakapatay sa international terrorist na si Zulkufli Binhir alyas Marwan.
Gayunman, nilinaw ng Pangulo na wala siyang layuning mang-usig ng sinuman dahil duda lamang siya sa naging kalagayan ng pagkamatay ni marwan dahil nahaluan aniya iyon ng kasinungalingan.
By: Jaymark Dagala / Aileen Taliping
