Duda si Senador Antonio Trillanes IV sa balitang nasa ospital ngayon at nagpapagaling si Customs Commissioner Nicanor Faeldon.
Ito’y makaraang ibunyag ng isang mambabatas na tumangging magpabanggit ng pangalan na inatake umano sa puso si Faeldon kaya’t isinugod ito sa ospital.
Ayon sa Senador, posibleng drama lamang aniya ang sinasabing karamdaman ni Faeldon kaya’t dapat lamang na ipa-validate ng Senado sa kanilang in-house doctors ang tunay na kundisyon ni Faeldon.
Kasunod nito, umaasa si Trillanes na makadadalo na si Faeldon sa susunod na pagdinig ng Senate Blue Ribbon Committee hinggil sa nakapuslit na shabu sa Customs.
By Jaymark Dagala / (Ulat ni Cely Bueno)
