Nakabalik na ng White House si US President Donald Trump makaraang manatili sa pagamutan para magpagaling sa coronavirus disease 2019 (COVID-19).
Ayon sa ilang mga ulat, lulan si Trump ng presidential helicopter nang lumabas ng ospital papunta sa White House.
Kasunod nito, inihanda na rin ang pansamantalang tanggapan ni Trump sa White House para hindi nito makasalamuha at mahawaan ng virus ang kanyang mga presidential staff.
Nauna rito, umani ng sari-saring reaksyon ang pagmamadaling umuwi ni Trump matapos ang ilang araw na pagpositibo sa virus.
