Itinanghal na 15th at final season winner ng American Idol si Trent Harmon.
Ang 2-part finale ng show ay ginanap sa Dolby Theatre na pinangunahan ng Idol host na si Ryan Seacrest.
Pinabilib ni Trent ang mga hurado sa rendition niya ng ‘Falling’ na isinulat ni Keith Urban.
Nakuha naman ni La ‘Porsha Renae ang 2nd place at 3rd naman si Dalton Rapattoni.
Naging emosyonal naman si Trent matapos na inanunsyong siya ang winner at buong pusong nagpasalamat sa kanyang mga supporters.
https://www.youtube.com/watch?v=4t267JTtalw
Ito na ang huling season ng isa sa pinakakilalang singing competition sa mundo na nagpasikat sa ilang mga singer kabilang na sina Kelly Clarkson, Jennifer Hudson, Adam Lambert, Chris Daughtry, Carrie Underwood at marami pang iba.
Matatandaang ilang personalidad na may dugong Pinoy din ang na-discover sa American Idol gaya na lang nina Jasmine Trias at Jessica Sanchez.
Samantala, isa naman sa mga most viewed na Idol performance ni Trent ay ang rendition niya ng ‘Chandelier’ ni Sia.
https://www.youtube.com/watch?v=y-VStB8t4Q0
