Nagdeklara ng dalawang araw na pambansang holiday para sa sektor ng transportasyon ang grupong Stop and Go Coalition.
Kasabay ito ng pagsasampa ng Petition for Certiorari sa Korte Suprema kontra sa inilabas na Omnibus Guidelines ng DOTr o Department of Transportation hinggil sa jeepney phaseout.
Nagtipun-tipon sa panulukan ng TM Kalaw at Taft Avenue ang mga miyembro ng kowalisyon upang ihayag ang kanilang anunsyo.
Giit ni Stop and Go Coalition President Jun Magno, malinaw aniyang isang uri ng katiwalian ang nais ipatupad na modernisasyon ng pamahalaan sa sektor ng transportasyon sa bansa.
