Itinuro ni Health Secretary Francisco Duque III ang “Token compliance” o sumusunod lamang sa health protocols kung may nagbabantay ang sanhi ng panibagong COVID-19 surge, partikular ang pagkalat ng Omicron variant.
Tugon ito ni Duque sa tanong ni Pangulong Rodrigo Duterte kung airborne ba ang COVID-19 lalo’t nagkakasakit pa rin kahit ang mga bakunado at nananatili sa loob ng bahay.
Ayon sa Kalihim, mayroong mga nagsusuot ng facemask nang hindi tama o hindi tama ang distansya sa pakikipag-usap lalo noong holiday season kung saan kaliwa’t kanan ang naging handaan.
Ipinaliwanag din ni Duque kay Pangulong Duterte na sadyang madaling maipasa ang Omicron variant dahil nasa mababaw na bahagi lamang ito ng baga.
