Inatasan ni Land Transportation Franchising and Regulatory Board Chairman Vigor Mendoza II ang lahat ng regional directors ng ahensya na simulan ang pag-inspeksyon sa lahat ng bus at iba pang transport terminals bilang paghahanda sa paggunita sa Undas sa Nobyembre a-uno at a-dos.
Ayon kay Chairman Mendoza, ang paghahanda ay alinsunod sa direktiba ni Pangulong Ferdinand Marcos Jr. na tiyakin ang kaligtasan ng mga pasahero sa public transport.
Kasama sa ipatutupad ng LTFRB ang pagkakaroon ng komportableng waiting areas at mabilis na booking process para sa mga pasahero.
Sinabi rin ni Chairman Mendoza na para masiguro ang pagsunod ng mga bus station at transport terminal ay magde-deploy ang ahensya ng mystery passengers sa buong bansa upang i-check ang kondisyon ng mga sakayan.
