Hindi nakararamdam ng inggit ang The Voice Kids grand winner at mang-aawit na si Lyca Gairanod sa tinatamasang tagumpay ni Darren Espanto sa showbiz.
Ito ang ibinunyag ni Lyca kung saan lagi silang pinagkukumpara dahil pareho itong mula sa naturang kompetisyon.
Ayon kay Lyca, proud ito sa kung ano ang nararating ng mga kasabay niya lalo na ni Darren.
Sinabi pa ng batang singer, na nagpapasalamat siya kay Darren dahil hindi siya nito pinabayaan.
Samantala, abala naman si Lyca sa kaniyang Youtube channel kung saan pumalo na sa isang milyong ang kaniyang subscribers.
Ipinagmalaki rin ng batang singer na nakabili na ito ng sasakyan kung saan pinag-ipunan niya talaga ng matagal.
