Mahigit 300 ang patay habang daan-daan ang sugatan at nawawala matapos tumama ang malakas na lindol sa Western Haiti.
Ayon sa US geological survey, tumama ang 7.2 magnitude na lindol na sinundan ng aftershock na nasira ang ilang simbahan, hotel at bahay ng naturang lugar.
Natunton ang pagyanig sa layong 8 kilometro mula sa bayan ng Petit-Trou-de-Nippes na may lalim ng 10 kilometro habang ang episentro naman ay tinatayang 160 kilometro mula sa Port-au-Prince.
Dahil dito, nagdeklara na si prime minister Ariel Henry ng month-long state of emergency.
Naglabas na rin ang US tsunami warning system ng tsunami alert.