Pinagpapaliwanag ni Senator Grace Poe ang mga ahensya ng pamahalaan na tumutugon sa panahon ng kalamidad at telcos.
Ito ay matapos siyang makatanggap ng report mula sa ilang residente sa mga lugar na hinambalos ng bagyong Lawin, na hindi sila nakatanggap ng mobile disaster alert.
Sinabi ni Poe na mahalagang magpaliwanag ang mga ito kung bakit hindi nakapagpadala ng mobile alert sa gitna ng pag-iral ng Free Mobile Disaster Alert Act.
Ayon kay Poe, maaaring ireklamo ng mga apektadong residente sa NTC ang mga telcos dahil sa kabiguang makapagpadala ng mobile alert.
By Katrina Valle | Cely Bueno (Patrol 19)
