Kasado na ang susunod na formal negotiations sa pagitan ng Pilipinas at China upang maresolba ang territorial dispute sa West Philippine Sea.
Ayon kay Philippine ambassador to China Chito Sta. Romana, umaasa ang dalawang panig na sa unang bahagi ng taong 2018 magaganap ang ikalawang bilateral consultative sa Pilipinas.
Orihinal anyang itinakda sa disyembre ang pulong pero ini-atras ito sa susunod na taon dahil sa hindi magkakatugmang schedule ng mga dadalong government official at diplomat mula Pilipinas at Tsina.
Noon lamang mayo ay nagpulong ang dalawang panig sa China-Philippines bilateral consultation mechanism on the South China Sea sa Guiyang, Guizhou province, China.
