Muling namataan ang kontrobersyal at napababalitang magkasintahang sina John Lloyd Cruz at Ellen Adarna sa kanilang pagdating sa Cebu.
Sa isang larawan sa fan page na @godblessjohnlloyd sa Instagram, naka-akbay pa si Lloydie kay Ellen habang naglalakad sa airport na tila may iniiwasan o itinatago.
Nakita rin ang dalawa sa information desk kung saan naka-white shirt at pants si John Lloyd habang naka-loose pants at black jacket si Ellen.
Halos naging “curious” ang ilang pasahero na tila nakatingin sa tiyan ni Ellen.
Magugunitang umamin si Ellen buntis siya at si John Lloyd ang ama ng kanyang dinadala pero hanggang ngayon ay hindi pa umaamin ang dalawa sa kanilang relasyon.
