Dinagdagan ng senado ng isandaang milyong piso ang pondo para sa 2018 ng tanggapan ni Vice President Leni Robredo.
Mula sa 443.9 million peso budget na ipinasa ng mababang kapulungan ay itinaas ito ng senado sa 543.9 million pesos.
Bahagi ng pag-amyenda ng mga senador sa panukalang 3.767 trillion peso national budget ng bansa sa susunod na taon ang naturang karagdagang pondo para sa tanggapan ng pangalawang pangulo.
Hindi naman na nabago ang pondong inaprubahan ng kongreso para sa tanggapan ni Pangulong Rodrigo Duterte na 6.0131 billion pesos.
Ang naturang pondo ay mas mababa sa 20 billion budget ng office of the president noong 2017 kung saan ang nasa 15 billion pesos ay ginamit para sa hosting ng bansa sa ASEAN.
