Minaliit ni NDFP o National Democratic Front of the Philippines Chief Political Consultant Jose Maria Sison ang summon ng DOJ o Department of Justice at korte sa Maynila para sya mapauwi sa bansa.
Ayon kay Sison, pagpapakita lamang ito na ignorante sa international laws si Justice Secretary Menardo Guevarra at Manila Judge Marlo Madoga – Malager dahil halatang sumunod lamang ang dalawa sa utos ni Pangulong Rodrigo Duterte.
Katwiran ni Sison, walang bisa ang naturang summon dahil siya ay kinilala bilang political refugee sa Netherlands at protektado siya sa ilalim ng refugee convention at article 3 ng European convention on human rights na nagbabawal na ipadeport ang refugee sa kahit saan mang third world country.
Kaugnay nito, sinabi ni Sison na ang naturanh pagkilos ay isa na namang cheap political maneuver ng rehimeng Duterte.
