Kinumpirma ng Malacañang ang pagdalo ni Pangulong Rodrigo Duterte sa virtual 13th Asia-Europe Meeting Summit (ASEM) mula ngayong araw hanggang Nobyembre 26.
Kaugnay nito, ang naturang summit ay may temang “Strengthening multilateralism for shared growth”. Layunin nito na patatagin ang kooperasyon sa pagitan ng asya at europa kung saan ito ay pangungunahan ng Kingdom of Cambodia.
Inaasahan namang tatalakayin ni Duterte sa second plenary at retreat session ang “Rebuilding a resilient future as well as international and regional issues.”
Samantala, kasama sa mga kalahok sa nasabing virtual na pagtitipon ang 53 partners ng asem mula Europe, Asia, European Union at ASEAN Secretariat.—sa panulat ni Airiam Sancho