Aminado si Pangulong Rodrigo Duterte na isang “dictatorial style” ng pamamalakad sa gobyerno ang kanyang ipinatutupad.
Ito ang binigyang diin ni Pangulong Duterte sa gitna ng mga batikos na isa umano siyang diktador.
Ayon sa punong ehekutibo, kailangan niyang maging diktador para sa ikabubuti ng bansa.
Naniniwala si Pangulong Duterte katanggap-tanggap ng mayorya ng mga Filipino ang istilo ng kanyang pamumuno at ang kamay na bakal na paraan ng pamamahala ay mas kailangan upang labanan ang iligal na droga at korapsyon.
Nagbanta rin ang Pangulo sa posibleng pagsiklab ng gulo kung magiging malambot siya sa mga kriminal at mga sangkot sa iligal na gawain.
Gayunman, nanindigan si Duterte na hindi siya pasista o puppet ng Estados Unidos.
Posted by: Robert Eugenio
