Tiniyak ni San Miguel Corporation (SMC) President at COO Ramon Ang na sasagutin nila ang right of way issues kaugnay sa pagtatayo ng bagong international airport sa Bulacan.
Kasunod na rin ito nang pagpirma ng San Miguel Corporation at ni Transportation Secretary Arthur Tugade sa concession agreement.
August 14 nang mapasakamay ng SMC ang notice of award para sa airport contract.
Laman ng kasunduan na ang SMC ng magpo pondo sa design, construction, supply, completion, testing, commissioning pati na sa operation and maintenance ng itatayong airport.
Ang nasabing airport na itatayo sa bayan ng Bulacan at nagkakahalaga ng P735-B ay may kapasidad na 200 million passengers kada taon at kung saan itatayo rin ang apat na parallel runway.
