Nasamsam ng mga awtoridad sa isang buy-bust operation ang hinihinalang shabu na nakasilid sa mga teabags.
Sa isinagawang buy-bust operations ng mga anti-narcotics officer sa Barangay Santo Cristo sa Quezon City, kanilang naaresto ang isang CCTV installer na kinilalang si Jason John Alberca na nasa likod ng tinatayang P36.8 milyong halaga ng hinihinalang mga shabu.
Ayon naman sa mga awtoridad, may impormasyon sila na nagsasabing sangkot si Alberca sa sindikato ng droga na nakakabenta ng aabot sa limang kilo ng shabu kada araw.
Kasunod nito, dinala ang suspect sa Camp Bagong Diwa para isailalim ito sa drug test.
