Sen. Pangilinan kumbinsido rin na lulusot ang ML extension sa Mindanao

Kumbinsido rin si Senate Minority Leader Kiko Pangilinan na   papaboran ng mayorya ng mga mambabatas ang hirit na martial law extension ng Malakanyang dahil kontrolado naman ng administrasyon ang Kamara de Representantes.

Iginiit  ni Pangilinan  na  numbers game lamang ang mangyayari sa botohan.

Ayon kay Pangilinan, hindi dapat  puwersahin at kontrolin ang debate dahil  tiyak na mananalo sa botohan  ang inihihirit ni Pangulong Rodrigo Duterte na pagpapalawig sa umiiral na batas militar sa Mindanao.

Mahalaga anyang marinig ng publiko ang mga talakayan at pananaw sa naturang usapin.

Umaasa anya sila na maipaliwanag ng husto ang batayan  ng inihihirit na  extension  at ang mga hinahangad na matamo sa panahon na patuloy na paiiralin ang batas militar.

By: Drew Nacino  / Cely Bueno  

Comments

comments