Dinukot ng mga hindi pa natutukoy na mga armadong kalalakihan ang isang lalaking dayuhan at asawa nitong filipina sa Zamboanga del Sur, mag-aalas siyete kagabi.
Kinilala ang mag-asawa na sina Allan at Wilma Hyrons na may-ari ng isang beach resort sa Barangay Alindahaw bayan ng Tukuran.
Batay sa nakuhang impormasyon ng Police Regional Office – Zamboanga, isinakay sa mga bangkang de motor ang mag-asawang biktima.
Sinasabing patungo sa direksyon ng Lanao del Norte ang isang bangka habang papunta namang Pagadian City ang isa pa.
Sinabi ni PNP spokesperson Brig. General Bernanrd Banac, patuloy nilang inaalam ang grupong dumukot sa mag-asawa gayundin ang nationality ng lalaking biktima.
