Pinayuhan ni Senador Panfilo Lacson si Batangas 1st District Rep. Leandro Legarda Leviste na mag-ingat matapos ipaaresto si Batangas 1st District Engineer Abelardo Calalo.
Ayon kay Senador Lacson, hindi maitatangging makapangyarihan ang mga kinakalaban at nasasagasaan ni Rep. Leviste, sa gitna ng paglaban nito sa katiwalian.
Dagdag pa ni Sen. Lacson, hindi dapat maliitin at balewalain ni Congressman Leviste ang kayang gawin ng mga masasama o tiwaling tao laban sa kanya.
Kasabay nito, pinuri ni Sen. Lacson ang kongresista at sinabing hindi pangkaraniwan at kahanga-hanga ang ginawa nito.
