Pormal nang inihain ni Senador Antonio Trillanes IV ang ethics complaint laban kay Senate Blue Ribbon Committee Chairman Richard Gordon.
Kasunod ito ng naging sagutan nila Trillanes at Gordon sa pagdinig ng Blue Ribbon Committee kaugnay sa shabu shipment na nakalusot sa Bureau of Custom.
Tatlo ang ginamit na batayan ni Trillanes sa reklamo niya kay Gordon dahil sa tila malisyosong paghawak nito ng pagdinig bagay na malinaw na isang paglabag sa rules ng senado.
Kasunod nito, hiniling ni Trillanes na matapos dinggin ang reklamo niya kay Gordon, dapat mapanagot ang Senador dahil sa mga inasal nito na aniya’y unparliamentary.
