Nais malaman ni Senador Francis Escudero kung ano ang dahilan kung bakit ibinasura ng Sandiganbayan ang kasong plunder laban kay dating Agriculture Secretary Jocjoc Bolante kaugnay ng P723-Million fertilizer fund scam.
Iginiit ni Escudero na malakas ang kaso laban kay Bolante kasunod na rin ng isinagawang imbestigasyon dito ng Senado.
Ayon pa kay Escudero, makabubuting repasuhin ng Ombudsman ang kanilang procedure bilang siyang nagsu-supervise sa office of the special prosecutor.
Una rito, inihayag ni Senador Panfilo Lacson na hindi na nakagugulat ang pagkaka-dismiss ng kaso laban kay Bolante dahil naabswelto na ang iba pang akusado sa fertilizer fund scam.
By: Meann Tanbio / Cely Bueno
