Hindi pa prayoridad ni Special Assistant to the Presidential Bong Go ang pumasok sa politika.
Ito ang iginiit ni Go kasunod na rin ng tila pahaging ni Pangulong Rodrigo Duterte sa posibleng pagtakbo niya sa pagka-senador sa susunod na eleksyon.
Ayon kay Go, bagama’t masaya siya sa ibinigay na suporta ni Pangulong Duterte sa kanyang posibleng pagpasok sa politika, masyado pa aniyang maaga para pag-usapan ito.
Dagdag ni Go, nais na muna niyang ituon ang kanyang atensyon sa paglilingkod sa sambayanang pilipino sa pamamagitan ni Pangulong Duterte na kanyang itinuturing na adviser at mentor.
Una rito, nagpahaging si Pangulong Duterte sa posibleng pagtakbo ni Go sa 2019 Midterm election sa pagdalo nito sa ika 16 na anibersaryo ng Supreme Tribal Council for Peace and Development Incorporated sa Davao City kahapon.