Patuloy pa ring kinukumpirma ng Department of Foreign affairs o DFA ang mga ulat hinggil sa umano’y isang pamilyang Filipino na nadamay sa sunog sa isang oil company sa Al Khobar, Saudi Arabia noong Linggo.
Una rito, napaulat na ang naturang pamilya na may 4 na miyembro ay sinasabing kasama sa mga nasugatan nang tangkaing tumalon mula sa ika-4 na palapag ng residential complex ng oil company para makaiwas sa sunog.
Pero, sa isang text message, sinabi ni DFA spokesperson at Assistant Secretary Charles Jose na wala pa rin silang natatanggap na anumang kumpirmasyon mula sa embahada ng Pilipinas sa Riyadh kaugnay ng nasabing insidente.
By: Jelbert Perdez
