Nakikipag-ugnayan na ang Commission on Higher Education (CHED) sa local government units (LGUs) sa pag-require ng antigen COVID-19 testing sa mga estudyanteng dadalo sa limited face to face classes.
Sinabi ni CHED Chairman Prospero De Vera, pinag-uusapan na ito ng mga lgu sa kanilang pagpupulong kasama ang mga Metro Manila Mayors at sa iba pang technical working group.
Ito ang inihayag ni De Vera sa “unity statement” na inisyu ng ilang grupo matapos manawagan sa CHED at DepEd na magsagawa ng lingguhang COVID-19 testing sa mga estudyante na dadalo sa in person classes.
Ipinabatid pa ni De Vera na tanging mga fully vaccinated na estudyante lamang ang maaaring umattend ng limited face to face classes.
