Tiniyak ng Civil Aeronautics Board na kanila nang ipatutupad ngayong taon ang Compulsory Insurance para sa mga pasahero ng eroplano.
Ayon kay Atty. Willy Zamudio, tagapagsalita ng CAB, kanila nang isusumite sa Department of Foreign Affairs o DFA ang nilagdaan nilang kasunduan sa International Civil Aviation Organization.
Aniya, ang kinakailangan lamang muna sa ngayon ay mailathala sa lahat ng mga pahayagan ang kopya ng nilagdaan nilang kasunduan.
Sa ilalim ng bagong panuntunan, may habol na ang mga pasahero mula sa mga airline companies sakaling magkaroon ng mga hindi inaasahang pangyayari tulad ng aksidente.
By: Jaymark Dagala
